|
Ҷилди I: ХОБ ДИДАНИ СОМ АЗ ҲОЛИ ПИСАР
Фаромуш макун меҳри доя зи дил,
Ки дар дил маро меҳри ту дилгусил.»
Дилаш кард пидрому бардошташ,
Гурозон ба абр - андар афрошташ.
Зи парвозаш овард назди падар,
Расида ба зери бараш мӯи сар.
Танаш пилвору рухаш чун баҳор,*
Падар чун бидидаш, бинолид зор.
Фурӯ бурд сар пеши Симурғ зуд,
Ниёиш ҳаме б-офарин барфузуд,
Ки «Эй шоҳи мурғон, туро додгар
Бад-он дод нерӯву зӯру ҳунар,
Ки бечорагонро ҳаме ёварӣ,
Ба некӣ ба ҳар доварон доварӣ.
1 2 3 4 5 6 7 8 9 10 11 12 13 14 >>> |
