|
Ҷилди I: ХОБ ДИДАНИ СОМ АЗ ҲОЛИ ПИСАР
Дили Сом шуд чун биҳишти барин,
Бар он покфарзанд кард офарин.
«Ба ман, эй писар,-гуфт, дил нарм кун,
Гузашта макун ёду дил гарм кун.
Манам камтарин банда, яздонпараст,
Аз он пас, ки овардамат боз даст,
Пазируфтаам аз Худои бузург,
Ки дил бар ту ҳаргиз надорам сутург.
Биҷӯям ҳавои ту аз неку бад,
Аз ин пас чӣ хоҳӣ, ҳамон месазад».
Танашро яке паҳлавонӣ қабой
Бипӯшиду аз кӯҳ бигзорд пой.
Фуруд омад аз кӯҳу болой хост,
Яке ҷомаи хусраворой хост.
1 2 3 4 5 6 7 8 9 10 11 12 13 14 >>> |
