|
Ҷилди I: ДИЛХУШӢ ДОДАНИ СОМ СИНДУХТРО
Зи хуни дилаш мижжа пуроб буд.
Сари бегуноҳони Кобул чӣ кард,
Куҷо андаровард бояд ба гард?!
Ҳама шаҳр зинда барои туанд,
Парастандаву хоки пои туанд.
Аз он тарс, к-ӯ ҳушу зӯр офарид,
Дурахшанда Ноҳиду Ҳур офарид.
Наёяд чунин кораш аз ту писанд,
Миёнро ба хун рехтан - бар мабанд. »
Бад-ӯ Соми ял гуфт: Бо ман бигӯй,
Ҳар он ч-ат бипурсам, баҳона маҷӯй.
Ту Меҳробро кеҳтарӣ ё ҳамол,
Ман он духти ӯро куҷо дид Зол?
Ба рӯю ба мӯю ба хӯю хирад,
Ба ман гӯй, то бо кӣ андархурад?
1 2 3 4 5 6 7 8 9 10 11 12 13 14 >>> |
