|
Ҷилди I: ДИЛХУШӢ ДОДАНИ СОМ СИНДУХТРО
Яке аз фузунӣ дилороста,
Зи каммӣ дили дигаре коста
Саранҷом ҳар ду ба хок - андар аст,
Ки ҳар гавҳаре кушта з-ин гавҳар аст.
Бикӯшам кунун аз паи кори ту,
Аз ин лобаву нолаи зори ту.
Яке нома бо лобаи дардманд
Набиштам ба наздики шоҳи баланд.
Ба назди Манучеҳр шуд Золи Зар,
Чунон шуд, ки гӯӣ баровард пар.
Ба зин андаромад, чу боде дамид.
Ҳамон наъли аспаш замин бардарид.
Бар ин Золро шоҳ посух диҳад,
Чу хандон шавад, рои фаррух ниҳад, 1 2 3 4 5 6 7 8 9 10 11 12 13 14 >>> |