|
Ҷилди I: ДИЛХУШӢ ДОДАНИ СОМ СИНДУХТРО
Чунин дод посух, ки «Паймони ман
Дуруст аст, агар бугсилад ҷони ман.
Ту бо Кобулу ҳар кӣ пайванди туст,
Бимонед шодондилу тандуруст.
Бад-ин низ ҳамдостонам, ки Зол
Зи гетӣ чу Рӯдоба ҷӯяд ҳамол.
Шумо гарчи аз гавҳари дигаред,
Ҳамон тоҷу аврангро дарх(в)аред.
Чунин аст гетиву з-он нанг нест,
Або кирдгори ҷаҳон ҷанг нест.
Чунон офаринад, ки ояд-ш рой,
Ки мондему монем бо ҳой-ҳой.
Яке бар фарозу яке дар нишеб,
Яке бо фузунӣ, яке бо ниҳеб.
1 2 3 4 5 6 7 8 9 10 11 12 13 14 >>> |
