|
Ҷилди VI: РАСИДАНИ РУСТАМ НАЗДИ ЭРОНИЁН
Бинолид аз он пас зи дарди сипоҳ,
Чу огаҳ шуд аз кори овардгоҳ.
Басе пандҳо дод, гуфт: «Эй сарон,
Ба пеш омад имрӯз разми гарон.
Чунин аст оғозу анҷоми разм,
Якерост мотам, якерост базм».
Саропарда зад гурди гетифурӯз,
Паси пушти ӯ лашкари Нимрӯз.
Ба кӯҳ-андарун хаймаҳо сохтанд,
Дурафши сипаҳбад барафрохтанд.
Нишаст аз бари тахт-бар пилтан,
Ҳама номдорон шуданд анҷуман.
Ба як даст биншаст Гударзу Гев,
Ба дасти дигар Тусу гурдони нев.
1 2 3 4 5 6 7 8 >>> |
