|
Ҷилди VI: РАСИДАНИ РУСТАМ НАЗДИ ЭРОНИЁН
Тани мо ба ту зинда шуд бегумон,
Набуд ҳеч касро умеди замон.
В-аз он куштагон як замон паҳлавон
Ғамӣ гашту гирёну тираравон.
В-аз он пас чунин гуфт, к-«Аз чарху моҳ
Бубин, то сари тирахоки сиёҳ.
Ҳама гурму дард асту тимору ранҷ,
Бар ин аст расми сарои сипанҷ.
Чунин аст кирдори гардонсипеҳр,
Гаҳе ҷангу заҳр асту гаҳ нӯшу меҳр.
Агар кушта, гар мурда, ҳам бугзарем,
Сазад, гар ба чуну чаро нангарем.
Чунон рафт бояд, ки ояд замон,
Машав тез бо гардиши осмон.
1 2 3 4 5 6 7 8 >>> |
