|
Ҷилди VI: РАСИДАНИ РУСТАМ НАЗДИ ЭРОНИЁН
Чу дидам ман ин хуб чеҳри туро,
Ҳам ин пурсиши гарму меҳри туро.
Маро сӯги он арҷмандон намонд,
Ба бахти ту ҷуз рӯи хандон намонд».
Бад-ӯ гуфт Рустам, ки «Дил шод дор,
Зи ҳар бад тани меҳтар озод дор,
Ки гетӣ саросар фиреб асту ранҷ,
Сар ояд ҳаме, чун намояд-т ганҷ.
Якеро ба бешӣ, якеро ба танг,
Якеро ба ному якеро ба нанг.
Ҳаме рафт бояд, к-аз ин чора нест,
Маро бадтар аз марг патёра нест.
Равони ту з-он дард бедард бод,
Ҳама рафтани мо ба овард бод!» 1 2 3 4 5 6 7 8 >>> |