|
Ҷилди VI: ФИРИСТОДАНИ ХОҚОН ҲУМОНРО
НАЗДИ РУСТАМ
Аз он пас ҳама некхоҳи манед,
Саросар бар оину роҳи манед.
Натозам ба кину наҷӯям набарад,
Наёрам сари саркашон зери гард.
В-аз он пас бигӯям ба Кайхусрав ин,
Бишӯям дилу мағзаш аз дарду кин.
Фиристам гунаҳкорро назди шоҳ,
Магар меҳраш ояд, бубахшад гуноҳ.
Ба ту баршуморам кунун номашон,
Ки на номашон боду на комашон!
Сари кин зи Гарсеваз омад нахуст,
Ки дарди дилу ранҷи Эрон биҷуст.
Касеро, ки донӣ ту аз тухми Тур,
Ки бар хира карданд ин об шӯр. 1 2 3 4 5 6 7 8 9 10 >>> |