|
Ҷилди VI: ФИРИСТОДАНИ ХОҚОН ҲУМОНРО
НАЗДИ РУСТАМ
Ба хайма даромад ба кирдори бод,
Яке тарги дигар ба сар барниҳод.
Дурафши дигар ҷусту аспи дигар,
Дигаргуна ҷавшан, дигаргун сипар.
Биёмад, чу наздики Рустам расид,
Ҳаме буд, то ёлу шохаш бидид.
Ба Рустам чунин гуфт, к-«Эй номдор,
Камандафкани гурду ҷангисавор,
Ба Яздон, ки безорам аз тахти шоҳ,
Агар чун ту дидам яке кинахоҳ.
Чу ту сарваре з-ин сипоҳи бузург
Набинам, ҳаме номдори сутург.
Далере, ки чандин биҷӯяд набард,
Барорад ҳаме аз дили шер гард. 1 2 3 4 5 6 7 8 9 10 >>> |