|
Ҷилди V: Сипаҳдори туркон, чу шаб даршикаст,
Миён бо сипаҳ тохтанро бубаст.
Дару дашт гуфтӣ, ки пурхун шудаст,
Хур аз чархи гарданда берун шудаст.
Ба қир-андар андуда чеҳри сипеҳр,
Касеро набуд бар тани хеш меҳр.
Ҳамон гаҳ баромад яке тундбод,
Ки ҳаргиз кас онро надорад ба ёд.
Ҳаме хок бардошт аз размгоҳ,
Бизад бар сару чашми туронсипоҳ.
Зи саршон ҳама таргҳо баргирифт,
Бимонд андар он шоҳи туркон шигифт.
Ҳама дашт мағзи сару хун гирифт,
Дили санг ранги табархун гирифт.
Саворони туркон, ки рӯзи диранг
Забун доштандӣ шикори паланг,
1 2 3 4 5 6 7 8 9 10 11 >>> |
