|
Ҷилди V: Сипаҳдори туркон, чу шаб даршикаст,
Миён бо сипаҳ тохтанро бубаст.
Надиданд бо чархи гардон набард,
Ҳаме бод бардошт бо асп мард.
Чу Кайхусрав он ҷунбиши бод дид,
Дили бахти эрониён шод дид,
Або Рустаму Геви Гударзу Тус
Зи қалби сипоҳ андаровард кӯс.
Деҳодеҳ баромад зи қалби сипоҳ,
Зи як даст Рустам, зи як даст шоҳ.
Шуд андар ҳаво гард бар сони меғ,
Чи меғе ки борони ӯ тиру теғ.
Тале кушта ҳар ҷой чун кӯҳ-кӯҳ,
Бараш чашмаи хун зи ҳарду гурӯҳ.
Ҳаво гашт чун чодари нилгун,
Замин ҳам ба кирдори дарёи хун. 1 2 3 4 5 6 7 8 9 10 11 >>> |