|
Ҷилди V: Сипаҳдори туркон, чу шаб даршикаст,
Миён бо сипаҳ тохтанро бубаст.
Рикобаш гарон карду чанде шитофт,
Нишони паи шоҳи Турон наёфт.
Сипаҳ чун нигаҳ кард дар қалбгоҳ,
Надиданд ҷое дурафши сиёҳ.
Зи шоҳи каён хоста зинҳор,
Фурӯ рехтанд олати корзор.
Чу Хусрав нигаҳ кард, бинвохтшон,
Зи лашкар ҷудо пойгаҳ сохтшон.
Бифармуд, то тахти заррин ниҳанд,
Ба хайма-дар ороиши Чин ниҳанд.
Май оварду ромишгаронро бихонд,
Зи лашкар фаровон саронро бихонд.
Шабе кард ҷашне, ки то рӯзи пок
Ҳаме мурда бархост аз тирахок.
1 2 3 4 5 6 7 8 9 10 11 >>> |
